عالمی تہذیب – global civility کی مہم 2005 میں معروف مسلم ہمدرد، حضرتِ گرامی، پرنسپل گائیڈ،  حضرت مرشد فیضُ الاقطاب صدیقی نے قائم کی تھی،جو مغربی میڈیا کے بعض حصوں میں پیغمبرِ اسلام حضرت محمد ﷺ کی توہین کی کوششوں کے خلاف فکری جواب میں پیش پیش رہے ہیں، اور ساتھ ہی دنیا بھر کے 1.8 ارب مسلمانوں  کی آواز بنے  ہیں ۔ مخالفت کی بجائے پرامن بات چیت پر زور دیتے ہوئے، اس مہم کا مقصد مختلف اور متضاد نظریات کے درمیان مشترکہ بنیادیں پیدا کرنا تھا۔ یہ مہم آزادیِ اظہار کا حق اور امتیاز کا دفاع کرتی ہے، ساتھ ہی خود پر قابو رکھتے ہوئے ان مقدس ہستیوں کا احترام بھی کرتی ہے جنہیں ہم پیار کرتے ہیں۔

عالمی تہذیب – global civility کی مہم غصے اور مایوسی کو ایک بامقصد بات چیت میں تبدیل کرنے کی کوشش کرتی ہے جو سماجی ہم آہنگی اور دوسروں کے عقائد اور نظریات کے احترام پر زور دیتی ہے اس مہم کے ذریعے، اختلاف رائے کے دوران خود پر قابو پانے اور ذمہ داری کی اہمیت کو اجاگر کیا جاتا ہے، جو مہذب گفتگو اور رویے کی بنیاد ہے۔

یہ مہم اب ایک عالمی تحریک بن چکی ہے، جو انسانیت کو اس کی تمام رنگا رنگی اور تنوع کے ساتھ، ایک مثبت تبدیلی کے لیے اس اہم سفر کا حصہ بننے کی دعوت دیتی ہے۔ جیسے جیسے یہ مہم آگے بڑھ رہی ہے، اسے دنیا کے ہر گوشے سے حمایت مل رہی ہے، مقامی، قومی اور بین الاقوامی رہنماؤں کے ساتھ ساتھ ان افراد کی جانب سے بھی جو دوسروں کے آزادانہ اظہارِ رائے کے حق کا دفاع کرتے ہیں اور اس کے ساتھ مہذب رویے کی اہمیت کو یاد دلاتے ہیں۔